“Жас ұстаз: табысқа апарар жол” форумы бастау алды
Алматы қаласы химия-биология бағытындағы Назарбаев Зияткерлік мектебінде “Жас ұстаз: табысқа апарар жол” NIS-тің ауқымды жобасының алғашқы облыстық форумы жұмысын бастады.
Алматы облысының жалпы орта мектептерінің 130 жас мұғалімдері жиналған тақырыптық алаңдарда жаңашыл тәжірибе, қызықты кейстер талқыланады, біліктіліктерін арттыруға бағытталған түрлі тренингтер, шеберлік сағаттар өткізіледі.
Форум алдында команда құру бойынша тренинг ұйымдастырылып, салтанатты ашылу шарасымен конференция өз жұмысын бастады.