Жас таланттар мерекесі

Талдықорған қаласындағы Назарбаев Зияткерлік мектебінің оқушылары «A Million Dreams» желілік Арт-фестивалінде екі номинацияға ие болды.

Шымкентте өткен іс-шарада шабыт пен өнер алаңында NIS жүйесіне кіретін 21 және Халықаралық мектептен 300-ге жуық оқушы бас қосты.

Ашылу салтанатында NIS ДББҰ Басқарма төрағасының орынбасары Сабыржан Садуакасов Назарбаев Зияткерлік мектептерінде оқушылардың тек академиялық біліммен шектелмей, шығармашылық тұрғыда да жан-жақты дамуына ерекше мән берілетінін атап өтті.

Қатысушылардың жұмысы мюзикл, көркем сурет және графика, арт-фото, әлеуметтік бейнеролик, қолөнер бұйымы бағыттарында бағаланады.

Фестивальдің қазылар алқасына кино, театр және өнер саласындағы танымал сарапшылар кірді.

«Үздік қолөнер» номинациясында үздік болып Талдықорған қаласындағы NIS оқушылары танылды. Олар: Амина Нурхамит, Тоқжан Жұматай, Жақсылыққызы Баура. «Үздік Арт-фото» номинациясының жеңімпаздары Жексен Гүлбақыт, Ерқанатұлы Бекарыс, Сабитқызы Аяулым, Бекешева Елдана, Жарқынқызы Айша атанды.

«A Million Dreams» арт-фестивалі NIS оқушыларына шығармашылық ортаға еніп, идеялар алмасуға және жаңа достармен танысуға жол ашты.