NIS педагогикалық кеңесінің басты назарында CIS аккредиттеуіне дайындықты талдау

Алматы қаласындағы химия-биология бағытындағы NIS-те жаңа жылдың алғашқы педагогикалық кеңесі өтті.

NIS педагогикалық кеңесінің назарында оқу жылының екінші жартыжылдығына жоспарды бекіту, оқу үлгерімін сараптау, CIS аккредиттеуіне дайындықты талдау болды.

NIS директорының оқу жұмыстары бойынша орынбасарлары Нияз Тұрсынов, Шынар Сабырханова академиялық оқу үлгерімі туралы ақпарат берді.
Келесі жылы Зияткерлік мектептің алдында тұрған маңызды қадамдарының бірі Халықаралық мектептер кеңесінің аккредитеуінен өту. Құрылған жұмыс топтары есеп беріп домен мен стандарттар бойынша туындаған мәселелерді талқылады, әкімшілік және мұғалімдер тарабынан ұсыныстар айтылды. Ерекше назар CIS эксперттерінің алдын ала келген сапарларының нәтижесінде айтылған ұсыныстарға аударылып, NIS директоры Мәслихат Зәмірбекқызы осы тұрғыда жүмысты күшейтуді талап етті.